RAMADHAN ING TENGAHING CORONA

RAMADHAN ING TENGAHING CORONA                  

Romadhan minangka wulan suci

Kebak berkahing Gusti

Kebak pangapuraning Gusti

Kebak rahmating Gusti

Romadhan minangka wulan kramat

Kabeh umat padha ngruwat

Kabeh laku ibadah padha ningkat

Marga ngerti ganjaran tikel tekuk drajat

Romadhan minangka wulan umbul donga

Kabeh umat ngekehke dzikir lan puja

Seneng padha laku shalat, aweh sedhekah lan pasa

Pareg Gusti, nyingkiri sakehing dosa.

Ramadhan minangka wulan berkat

Kabeh umat seneng prehatin lan tirakat

Ngedoh kabeh perkara kang ora murwat

Ngupaya oncat saka akehing perilaku bejat

Nanging, Romadhan tahun iki pancen beda.

Tekaning Corona bisa ngowahi kahanan

Tekaning Corona bisa ngowahi tatanan

Tekaning Corona gawe anyar sarekat

Mesjid, Musholla pada didohi umat

Corona, ngubah kahanan dan tatanan

Kabeh titah tan kena salaman

Kabeh muslim tan kena shalat jamaah

Kabeh umat tan kena mujahadah

Kabeh bocah tan kena ngaji lan sekolah

Nanging Corona uga maringi piweling becik

Kabeh titah kudu seneng reresik, sesuci

Kabeh janma kudu seneng wisuh

Malah, kabeh manungsa tan kena mlancong

Kabeh pelancong tan kena bali ndesa

Mangga sami ngulir budi

Corona minangka coba, apa bebendu

Mangga sami umbul puja

Corona padha enggal lunga

Kahanan bisa bali kaya mingi uni

Batang, 29 Ramadhan 1441 H