TITIP

Wis ngancik limang warsa nggonku nitipke
Kalbu kang wening, nggayuh impen aji
Padha karep, padha rasa, karsa, lan jangka
Ora ana rasa angel lan amrat tumrapmu

Lumingsiring surya, pratandha gantining carita

Siyang ganti ratri, ati bungah dadi buneg

Kabeh dalan padha katutup pedhut peteng

Kusumaning tyas murca tanpa labet

Aja kok mung nyawang, apa maneh adu aruh

Sisaning tilas, sumrebete aruming ganda mukswa

Aku ora lila, aku isih duwe pangarep arep

apa kang wis daktitipke tetep takgondheli

jiwa, rasa, pangalembana, antebing kalbu

tetap kumanthil kanthil, aku ora bisa cidra.

Batang, 9 April 2019