ILANG GAPITE

Tatanan baku minangka teken

Teken mung gaweaning manungsa

Manungsa kang kurang wening ing pikir

Mikir werna-werna, pungkasane mung nuruti nepsu.

Mula tatanan mau mung kang kanggo awakmu

Tatanan minangka teken kudu bakoh

Teken kang bakoh kudu pener

Teken kang pener murakabi bebrayan

Nanging, ...

Tatanan kang mbliyur, ngrusak katentreman.

Tatanan kang mbliyur sengaja digawe ngaluhur

Mung kanggo dalan 

Mula wis dadi ombyake jaman

Para ngaluhur ilang kawibawane

Meh padha wayang ilang gapite

Seneng ngendikan kang ora tumata

Adoh saka bebener lan patuladhan.

Batang, 11 Maret 2018