Pingit

PINGIT

(Anggitan: Sastra Lelana)

Wus patraping bocah sekolah

Ati bungah sugih mitra

Ngudi ngelmu golek sangu urip

Kabeh dhawuh guru dadi jimat paripih

Kabeh buku dak sinau premati

Solah bawa, kaprigelan utama datan keri

                                                 

Dhawuh rama dak estoni

Tuwuh siswa pinunjul punjul dadi

Nanging, aku durung bisa mundhi dhawuh biyung

Aku sengit yen dikurung

Kabeh suwiwi ditali

Aku ora bisa mabur nglalang jagad edi

Sanadyan putri, aku kudu mandhiri

Nggege mangsa yen kudu leladi priya

Aku kudu uwal saka pingit

Aku kudu nggayuh lintang ing langit

Kekanthen ati rinujit rujit

Ngrampungke meguru, nadyan tanpa pamit.

                                                                   25 Dzulqodah 1435 H