Eyang Guru

EYANG GURU

(Anggitan: Sastra Lelana)

Sedaya sabda mawa pasemon

Ning jumbuh kasunyatan

Sedaya dhawuh mawa panjangka

Ning  tuwuh, gampil jumangkah

Panemu paduka pindha pepaes jagad

Cipta rasa, karsa paduka murakabi bebrayan

Asiling olah budi dadi paugeran wigati

Lampah sapecak laku satindak dadi tuladha adi

Sanadyan eyang sampun kondur

Gegembolan ngelmu luhur

Ning wus kababar byar

Mula para siswa manjila

Bebasan mikul dhuwur mendhem jero

Mundhi sedaya dhawuh

Mugi dados jimat paripih

Sedaya lelabuhan luhur kaganjar

Sedaya pamanggih cetha kajangkah

Mugi eyang manggih alam padhang

Sumare caket cinaket ing Pangeran

            Batang, Muharram 1434 H