Biyung

BIYUNG

(Anggitan: Sastra Lelana)

Sangang wulan biyung ngandhut

Rasa eman, tresna aku koemong

Nadyan sayah, aku kogendhong

Nadyan payah, kabeh dolanan koturuti

Nadyan srakat, kabeh boga kocukupi

Rina wengi ndika tansah memuji

Aku bisa dadi wanita utami

Njunjung biyung kanthi asma suci

Tansah mundhi dhawuh bekti

Biyung janma utama

Berbudi bawa laksana

Ning datan kinira kira

Sabda pingit kawetu kudu dak tampa

Biyung, kula nuyuwun duka

Sabda pingit dadi sulaya

Aku ora bisa nyangga dhawuh

Sugih apura lan pangestu mugi bisa tuwuh.

                                                                                       25 Dzulqodah 1435 H